Gli Elvezi decidono di migrare (I)
TESTO LATINO Apud Helvetios longe nobilissimus fuit et ditissimus Orgetorix. Is M. Messala M. Pisone consulibus, regni cupiditate inductus , coniurationem nobilitatis fecit et civitati persuasit , ut de finibus suis cum omnibus copiis egrederent : dixit perfacile esse , cum virtute omnibus praestarent , totius Galliae imperio potiri . Id hoc facilius iis persuasit , quod undique loci natura Helvetii continentur : una ex parte flumine Rheno latissimo atque altissimo, qui agrum Helvetium a Germanis dividit , altera ex parte monte Iura altissimo, qui est inter Sequanos et Helvetios, tertia parte lacu Lemanno et flumine Rhodano, qui provinciam nostram ab Helvetiis dividit. His rebus fiebat ut et minus late vagarentur et minus facile finitimis bellum movere possent . Pro multitudine autem hominum et pro gloria belli atque fortitudinis angustos se fines habere arbitrabantur , qui in longitudinem milia passuum CCXL, in latitudinem CLXXX patebant . da Cesare - De B...